काठमाडौं, भाद्र २५ । नेपालका लागि रसियाका राजदूत सर्जेई भ्यासिलभिच भ्यालिचकिनलले रसियामा नेपाली कार्पेट, पस्मिना, हस्तकलाका सामाग्री, चिया तथा कफीको सम्भावना रहेको भन्दै यी वस्तुहरुको निर्यात बढाउन आग्रह गरेका छन् । नेपालले यी वस्तुहरुको निर्यात बढाउन सके रसियासँगको व्यपारघाटा कम गर्न सकिने उनको भनाइ थियो ।
नेपाल चेम्बर अफ कमर्सले मंगलबार काठमाडौंमा आयोजना गरेको कार्यक्रममा राजदूत सर्जेइले रसियाली पर्यटक भित्र्याउन नेपालको हवाई क्षमता विस्तार हुनुपर्ने सुझाब दिए ।
चेम्बरका अध्यक्ष राजेशकाजी श्रेष्ठले नेपाल र रसियाबीचको संयुक्त लगानीका प्रशस्त सम्भावना रहेको भन्दै पूर्वाधार निर्माण, पर्यटन, कृषि, शिक्षा तथा स्वास्थ्य क्षेत्रमा पूँजी, सीप र अनुभवलाई नेपालमा उपयोग गर्न आग्रह गरे ।
छिमेकीमूलुक चीन, भारतलगायतका सार्क राष्ट्रहरुको बजारलाई समेत लक्षित गरेर नेपालमा लगानी गर्न अध्यक्ष श्रेष्ठले आग्रह गरे ।
0 comments:
Speak up your mind
Tell us what you're thinking... !