इजरायली प्रहरीबाट धार्मिक यौनकर्मीको समूह फेला

जेरुसेलम, इजरायल । इजरायलमा यहुदी महिलालाई गैर यहुदी पुरुषसँग यौनसम्पर्क कायम गरे उनीहरूलाई धार्मिक मुक्ति दिन सकिन्छ भन्ने विश्वासमा पारी वेश्यावृत्तिमा लगाउने गरेको एक समूहलाई फेला पारिएको जानकारी यहाँका प्रहरीले दिएका छन् । अदालतमा प्रस्तुत भएको र एएफपीले हेरेको कागजातमा यस अपराधमा प्रमुख आरोपित व्यक्तिको रूपमा किर्यात अर्बाका ६० वर्षीय सनकी पुरुषलाई प्रस्तुत गरिएको छ । किर्यात अर्बा पश्चिमी किनारको दक्षिणी भागमा अवस्थित कट्टरपन्थीहरूको बसोबासस्थल हो ।

प्रहरीले यस्तो अपराधमा संलग्न भएका आठ पुरुष तथा महिलालाई पक्राउ गरेको बताइएको छ । उनीहरूले कमजोर अवस्था भएका महिलालाई लागु औषध तथा मदिराको प्रभावमा पारी वेश्यावृत्तिमा लगाउने गरेको प्रहरीले बताएका छन् । यी व्यक्तिहरूले यस्ता महिलालाई गैरयहुदीसँग यौनसम्पर्क कायम गरे यहुदीलाई सुरक्षित पार्न र उनीहरूलाई मुक्ति दिलाउन सकिने कुरा बताउने गरेको जानकारी दिइएको छ ।

यस अपराधमा अनुसन्धान गरिरहनुभएका सुपरिटेन्डेन्ट अरिक मोर्देचाइले हारेज समाचारपत्रलाई यी व्यक्तिहरूले करिब १५ महिलालाई यस्तो काममा लगाएको र तीमध्ये केही नाबालिग रहेको जानकारी दिनुभयो ।

पत्रिकाले यी महिलाका ग्राहक पश्चिमी किनारका प्यालेस्टाइन नागरिक तथा तेल अभिभबाट काम गर्न आएका विदेशी कामदार भएको उल्लेख गरेको छ ।
अन्तरजातीय विवाहको विरोध गर्ने इजरायली कट्टरपन्थीहरूको समूह लेहाभाले यस्तो अपराधको विषयमा जानकारी दिएको बताइएको छ ।

लेहाभाका प्रमुख बेनजी गोपस्टिनले यो आपराधिक समूह छ÷सात वर्षदेखि कार्यरत रहेको र उनीहरूले चार वा पाँच महिलालाई यस्तो काम गराएको जानकारी दिए । उनले यस आपराधिक समूहका नेताले यी महिलाको सुधोपनको फाइदा लिएको बताए । अपराधमा अनुसन्धान गरिरहनुभएका सुपरिटेन्डेन्ट अरिक मोर्देचाइले हारेज समाचारपत्रलाई यी व्यक्तिहरूले करिब १५ महिलालाई यस्तो काममा लगाएको र तीमध्ये केही नाबालिग रहेको जानकारी दिनुभयो ।