चट्याङ लागेर मकवानपुरमा आमाछोरीको मृत्यु

हेटौंडा, भाद्र २४ - चट्याङ लागेर मकवानपुरमा आमाछोरीको मृत्यु भएको छ । मकवानपुरको पूर्वी क्षेत्र वेतिनी गाविस ५ बरबोटमा गएराति चट्याङ लागेर दीलकुमारी  प्रजापति र उनकी छोरी ईन्द्रकुमारीको मृत्यु भएको हो ।
ईलाका प्रहरी कार्यालय फापरबारीका प्रहरी नायब उपरीक्षक चन्द्रनारायण त्रिपाठीले दिएको जानकारी अनुसार चट्याङमा परी चार जना घाइते छन् ।
घटनास्थलतर्फ प्रहरी टोली जाँदै छ । फापरबारी ईलाका प्रहरीबाट घटनास्थल पुग्न चार घण्टा लाग्छ ।
मकवानपुरमा ५ महिनायता मात्रै चट्याङमा परी नौ जनाको मृत्यु भएको छ । यो अवधीमा ११ जना घाइते भएको तथ्यांक छ ।